काठमाडौँ । सत्ता गठबन्धन दल नेकपा एकीकृत समाजवादी पार्टीले स्थानीय तहको निर्वाचनमा जिते पाँच हजार लिटर पानी उपलब्ध गराउने घोषणा गरेको छ ।

मंगलबार पार्टी अध्यक्ष माधवकुमार नेपालले सार्वजनिक गरेको घोषणा पत्रमा हरेक घर परिवारलाई मासिक पाँच हजार लिटर खाने पानी निशुल्क उपलब्ध गराउने घोषणा गरेको हो ।

यस्तै, प्रत्येक घर परिवारलाई दुई सय युनिट बिजुली निःशुल्क रुपमा दिइने घोषणा गरिएको छ । स्थानीय सरकारमार्फत हरेक परिवारलाई वार्षिक दुई सय युनिटसम्म विद्युत निशुल्क दिने घोषणा गरेको हो ।