काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले गठबन्धनलाई भोट नदिए देश दुर्घटनामा जाने बताएका छन् । चितवनमा आयोजित आमसभालाई सम्बोधन गर्दै उनले जनताले राष्ट्र र देश विकासको कुरा नबुझे देश दुर्घटनामा जाने बताएका हुन् ।

उनले पहिलोपटक स्थानीय निर्वाचन हुँदा नेपाली कांग्रेसका कार्यकर्ताले माओवादीलाई भोट नदिएकाले संघीय निर्वाचनमा वामपन्थी–वामपन्थी मिल्न पुगेको स्मरण गरे ।

उनले आफूहरूले देशमा राजनीतिक स्थायित्व ल्याउन वामपन्थी मिल्न पुगेको दाबी गरे । ‘मलाईं तपाईहरूले प्रचण्ड के हो ? के हो ? भनेर प्रश्न गर्नु भयो भने देश दुर्घटना जान्छ,’ अध्यक्ष प्रचण्डले भने ।