काठमाडौँ । नेकपा एमालेले हालै सम्पन्न स्थानीय तहको निर्वाचनमा सरकारले नै धाँधली गरेको आरोप लगाएको छ ।

मंगलबार बसेको संसदको ११ औँ अधिवेशनअन्तर्गत प्रतिनिधिसभाको पहिलो बैठकलाई सम्बोधन गर्दै एमाले सांसद प्रदीप ज्ञवालीले निर्वाचन नै गराउन नचाहको सरकारले राज्य शक्तिको प्रयोग गरी धाँधली गरेको बताएका हुन् ।

‘पहिला सरकारले निर्वाचन नै गराउन चाहेको थिएन, अन्तिम समयमा चुनाव सार्ने तयारी गरेको थियो,’ उनले भने, ‘चुनावमा राज्य शक्ति प्रयोग गरेर धाँधली गरियो, यो संसदमा रेकर्ड गराउन चाहन्छौँ ।’

उनले अहिले आइरहेको परिणामबाट एमाले नआत्तिएको बताए ।