काठमाडौँ । ललितपुर महानगरको मेयरमा पुनः चिरिबाबु महर्जन विजयी भएका छन् । मंगलबार सकिएको मत गणनामा उनी विजयी भएका हुन् ।

महर्जनले नेकपा एमालेका प्रतिस्पर्धी हरिकृष्ण व्यञ्जनकारलाई पराजित गरेका हुन् । उनी मत गणनाको सुरुवातीदेखि नै अगाडि हुँदै आएका थिए ।

यस्तै एमालेकी उपमेयरमा मन्जली शाक्य बज्राचार्य निर्वाचित भएकी छन् । उनले गठबन्धनको तर्फबाट उपमेयर उम्मेदवार नेकपा माओवादी केन्द्रका बाबुराज बज्राचार्यलाई पराजित गरेकी हुन् ।

महर्जनले ४० हजारभन्दा बढी भोट ल्याउँदा व्यञ्जनाकारले २३ हजार भोट पाएका थिए ।