काठमाडौँ । नारायणगढ–मुग्लिन सडक खण्डमा गुडिरहेको ग्यास बुलेटमा भएको आगलागी नियन्त्रण भएसँगै राजमार्ग खुलेको छ ।

श्रीराम ग्यासको युपी १७ एटी ६८२७ भारतीय नम्बर प्लेटको गुडिरहेको बुलेटमा अचानक आगो लागेको थियो ।

दमकलको सहयोगमा आगो नियन्त्रणमा लिएसँगै राजमार्ग सञ्चालनमा आएको हो । प्रहरीका अनुसार ग्यास बुलेटको क्याबिन र अगाडिको टायर जलेको छ । घटनामा कुनै मानवीय क्षति भएको छैन ।