काठमाडौँ । कर्तव्य ज्यान मुद्दाका एक फरार प्रतिवादीलाई प्रहरीले आज भक्तपुरको चाँगुनारायणबाट पक्राउ गरेको छ ।

प्रहरीको केन्द्रीय अनुसन्धान ब्यूरोको टोलीले गोरखाको बोर्लाङका डिलबहादुर दराईलाई कर्तव्य गरी मारेको घटनाका फरार प्रतिवादी भक्तपुरको चाँगुनारायण नगरपालिका ८ सुडाल बस्ने ३८ वर्षका कैलास कार्कीलाई पक्राउ गरेको हो ।

घटना विसं २०६६ मा भएको थियो । उनलाई आवश्यक कारबाहीका लागि आजै जिल्ला प्रहरी कार्यालय गोरखा पठाइएको ब्यूरोले सूचना जारी गरी जनाएको छ ।