काठमाडौँ । अर्थमन्त्री जनार्दन शर्माले सरकारले चुनावलाई लक्षित बजेट नल्याएको बताएका छन् । सोमबार अपरान्ह अर्थ मन्त्रालयमा आयोजित पत्रकार सम्मेलनमा बोल्दै उनले चुनाव लक्षित विषय बजेटमा समावेश नभएको स्पष्ट पारेका हुन् ।

‘बजेटमा चुनावी कुरा छैन, हिजोकै कुरालाई निरन्तरता दिएको हो,’ मन्त्री शर्माले भने, ‘उत्पादन बढाउनु पर्छ, आत्मनिर्भर हुनु पर्छ भने कुरा चुनावी कुरा हो र ?’

यस्तै, मन्त्री शर्माले सरकारी हरेक तीन वर्षमा कर्मचारीको तलब बढाउँदै आएकाले त्यसलाई पनि निरन्तरता दिएको दाबी गरे ।

मन्त्री शर्माले किसानलाई उत्प्रेरित गर्न किसान पेन्सन ल्याएको विषयलाई चुनावसँग नजोड्न आग्रह गरे ।