काठमाडौँ । पोखरामा सम्पन्न प्रथम मोहन मेमोरियल अन्तर विद्यालय राष्ट्रिय ब्याडमिण्टन प्रतियोगितामा ग्यालेक्सी पब्लिकले जितेको छ । तीन दिनसम्म चलेको प्रतियोगितामा ग्यालेक्सीले एक स्वर्ण, एक रजत र एक कास्य पदक जित्दै उपाधि हात पारेको हो ।

प्रतियोगितामा व्बाइजतर्फ रुपन्देहीका सुदेश राजकोटी र कास्कीकी दिलाशा राना उत्कृष्ट खेलाडी घोषित भए । यस्तै, अनुशासित खेलाडीको पुरस्कार अनिल मल्लले पाए ।

प्रतियोगितामा सिक्सटिन फियदर्शले उत्कृष्ट पोशाकको उपाधि हात पार्दा पोखराको टप्स माविले धेरै खेलाडी सहभागिता जनाएको पुरस्कार पाएको छ ।

प्रतियोगितामा विजेता खेलाडीहरूलाई गण्डकी प्रदेशसभाकी उप सभामुख सिर्जना शर्मा, प्रदेश खेलकुदका उपाध्यक्ष धोज कुमार गुरुङ, नेपाल व्याडमिन्टन संघका अध्यक्ष रामजी बहादुर श्रेष्ठलगायतले नगद, मेडल, प्रमाणपत्र सम्मान गरेका थिए ।