काठमाडौं । नेकपा एमालेका अध्यक्ष केपी शर्मा ओलीले स्थानीय तह निर्वाचनमा पार्टी कमजोर भएको स्वीकारेका छन् । उनले अनुशासनहिन कारण पार्टी कमजोर भएको बताएका छन् ।

बिहीबार एमाले जनसंगठन समन्वय संयन्त्रको बैठकमा सम्बोधन गर्दै अध्यक्ष ओलीले स्थानीय तहको निर्वाचनमा अन्य दलका कारणले नभइ आफ्नै कारणले जनमत गुमाउनु परेको बताए ।

आगामी निर्वाचनमा यसलाई सुधार गरेर जानु पर्ने उनको भनाइ थियो । ओलीले प्रतिनिधिसभा निर्वाचनमा केन्द्रीत हुनसमेत निर्देशन दिएका छन् ।

संयन्त्रका संयोजक भानुभक्त ढकालको अध्यक्षता बसेको बैठकमा पार्टी उपाध्यक्ष विष्णु पौडेलसहित २२ जनसंगठनका इञ्चार्ज, सहइञ्चार्ज र अध्यक्षको सहभागिता रहेको थियो ।