काठमाडौँ । नेकपा एमालेका नेता सूर्य थापाले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधवकुमार नेपाललाई प्रधानमन्त्रीको अफर आएको कुरा आत्मप्रचार मात्र भएको बताएका छन् ।

उनले एमालेका अध्यक्ष केपी शर्मा ओलीले सत्ता गठबन्धनका दुई पार्टी अध्यक्षलाई प्रधानमन्त्रीको अफर दिएको भन्ने कुरा सपना मात्रै भएको बताएका छन् । उनले समकालीन नेपाली राजनीतिमा यस्तो सम्भव नभएको बताए ।

‘प्रचण्ड र माधव नेपाललाई प्रधानमन्त्रीको अफर, त्यो पनि एमालेबाट ? यो निर्लज्ज आत्मस्तुति र आत्मप्रचारबाहेक केही होइन, अध्यक्ष केपी शर्मा ओलीले यस्तो अफर गर्ने सपना पनि तिनै दुई जनाले निद्रामा मात्रै देखेका हुन सक्छन्,’ उनले भने ।

यस्तै, उनले स्वर्ग जाने भन्दै नर्कको टिकट काटेका देउवाका चुत्था नोकरहरूलाई प्रधानमन्त्री अफर गरेर कुनै वैतरणी पार नहुने बताए ।