काठमाडौँ । डोजरले फालेको ढुंगा लागेर एक विद्यार्थीको मृत्यु भएको छ । सडक निर्माणका क्रममा डोजरले फालेको ढुंगा लागेर गुल्मीमा एक विद्यार्थीको मृत्यु भएको हो ।

मुसिकोट नगरपालिका ३ का १४ वर्षीय गगन रायमाझीको ढुंगाले लागेर मृत्यु भएको प्रहरीले जनाएको छ बिहीबार बिहान स्कुल जाने क्रममा बालकलाई ढुंगाले लागेको हो ।

सडक निर्माण भइरहेको बेला डोजरले फालेको ढुंगाले लागेर गम्भीर घाइते भएका विद्यार्थीको अस्पताल लैजाने क्रममा मृत्यु भएको हो । बालकलाई स्थानीय स्वास्थ्य चौकीमा प्राथमिक उपचारपछि गुल्मी अस्पतालमा लैजाने क्रममा बाटोमै मृत्यु भएको हो ।

डोजर चालकलाई नियन्त्रणमा लिएर थप अनुसन्धान भइरहेको प्रहरीले जनाएको छ ।