काठमाडौँ । पृथ्वी राजमार्गअन्तर्गत मुग्लिन–आँबुखैरेनी सडक खण्ड पूर्ण रुपमा सञ्चालनमा आएको छ ।

गत जेठ २७ गते बिहान पहिरो गएपछि बन्द भएको अवरुद्ध सडक भित्ता फोडेर बढाएसँगै पूर्ण रुपमा सञ्चालनमा आएको हो । बाटोमा पहिरो गएपछि ठूला सवारी साधन पूर्ण रुपमा बन्द गरिएको थियो । तर, अब सबै प्रकारका गाडी चल्न सक्ने भएको छ ।

मुग्लिन–आँबुखैरेनी सडक खुल्ला भए पनि याम्फा फाँट–घाँसीकुवा खण्डमा भने राति ११ बजेदेखि बिहान ४ बजेसम्म यातायात आवागमन बन्द गरिएको छ । यस सडक खण्डमा मर्मत सम्भार भइरहेको छ ।