सिरहा । जिल्ला प्रहरीले प्रतिबन्धित लागु औषध गाँजासहित दुई जनालाई नियन्त्रणमा लिएको छ । जिल्लाको धनगढीमाई नपा १४ हात्तीढुंगाबाट २७ किलो ६५० ग्राम गाँजासहित दुई जनालाई पक्राउ गरेको हो ।

पक्राउ पर्नेमा ३४ वर्षीय राम सागर साह र गोलबजार नपा १ मुक्सारका ३० वर्षीय चंखु सदाय रहेका छन् । इलाका प्रहरी कार्यालय धनगढीमाई नपा १२ बिष्णुपुरकट्टीबाट खटिएको गस्ती टोलीले उनीहरु सवार स ३ प ७७९६ नम्बरको मोटरसाइकल शंका लागि जाँच गर्दा गाँजा बरामद गरेको जिल्ला प्रहरी कार्यालय सिरहाले जनाएको छ ।

आजै सिरहा जिल्ला अदालतबाट सात दिनको म्याद थप आवश्यक अनुसन्धान गरिरहेको जनाएको छ । उदयपुरको सीमा क्षेत्रमा उत्पादित गाँजा धनगढीमाई नपाको बाटो हुँदै तस्करहरुले भारतसम्म पुर्याउने गरेको बताइन्छ ।