काठमाडौँ । सानिमा बैंक लिमिटेडले तारकेश्वर नगरपालिका ११ नेपालटारमा बैंक शाखा स्थापना गरी बैंकिङ्ग सेवा विस्तार गरेको छ । उक्त शाखाको उद्घाटन ब्राण्ड प्रवर्द्धक वरिष्ठ कलाकार मदन कृष्ण श्रेष्ठ र यस बैंकका सञ्चालक गायत्री थापाले संयुक्त रुपमा गरेका थिए ।

उद्घाटन समारोहमा ब्राण्ड प्रवर्द्धक कलाकार श्रेष्ठ र बैंकका सञ्चालक थापाले नेपालटारमा बैंकको कार्यालय सञ्चालनमा आएकोमा बैंकलाई बधाई ज्ञापन गरे । उनीहरूले विश्वसनीय बैंकको रुपमा निरन्तर विस्तार हुन र थप सफलताका लागि शुभकामना व्यक्त गरे ।

त्यसैगरी, उक्त कार्यक्रमलाई सम्बोधन गर्दै प्रमुख कार्यकारी अधिकृत निश्चल राज पाण्डेले बैंकका ग्राहक तथा समस्त सरोकारवालालाई निरन्तर सहयोग एवम् सदभावका लागि कृतज्ञता व्यक्त गरेका थिए । बैंकले देशका सबै प्रदेशमा १२७ कार्यालय र ११८ वटा एटीएम सञ्चालनमा ल्याएको छ ।