काठमाडौँ । सहसचिव चूडामणि शर्मा को मुद्दा हेर्न नभ्याउनेमा परेको छ । राजश्व चुहावट र गैरकानुनी सम्पत्ति आर्जनसम्बन्धी अभियोगको मुद्दा आइतबार पेसी सूचीको दोस्रो नम्बरमा रहे पनि पहिलो नम्बरको मुद्दा नसकिएकाले उनको मुद्दा हेर्न नभ्याउनेमा राखिएको हो ।

दिनेश अर्याल प्रतिवादी रहेको मुद्दाको सुनुवाइ भइरहेको र उक्त मुद्दाको सुनुवाइ नसकिएकाले सहसचिव शर्माको मुद्दा हेर्न नभ्याउने सूचीमा परेको हो ।

शर्माले कर मिनाहा गर्दा अर्बौं रकमको भ्रष्टाचार गरेको र गैरकानुनी सम्पत्ति आर्जन गरेको भन्दै २०७४ साल साउन १ गते अख्तियारले विशेष अदालतमा भ्रष्टाचारको मुद्दा दायर गरेको थियो ।