काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले संगठनको ठोस प्रस्ताव तयार गर्न आफ्नो निवासमा बैठक राखेका छन् । संगठनको प्रस्ताव तयार पार्न प्रचण्डलाई जिम्मेवारी दिएसँगै उनले बैठक राखेका हुन् ।

प्रस्ताव तयार पार्नका लागि प्रचण्डले सबै नेताहरूसँग राय सुझाव मागेका छन् । सोही आधारमा उनले प्रस्ताव तयार पार्ने भएका हुन् ।

यस्तै, प्रचण्डले मतदान नगर्ने शर्तमा पदाधिकारी टुंग्याउने प्रस्ताव राखेका छन् । पदाधिकारी, स्थायी समिति, पोलिटब्युरो समितिलगायत पार्टीका संरचना बनाउनेबारे छलफल गर्न मंगलबार बिहान बसेको केन्द्रीय कार्यालयको विस्तारित बैठकमा नेताहरुले जारी केन्द्रीय समिति बैठकबाटै यी विषय टुंगो लगाउनु पर्ने माग राखेका थिए ।

बहुमत सदस्यले पदाधिकारी टुंग्याउनु पर्ने मत राखेपछि प्रचण्डले आफूले नाम प्रस्ताव गर्ने तयारी गरेका हुन् ।