काठमाडौँ । एनआईसी एशिया बैंकले २०७९ आसार १२ देखि निक्षेपको १० गुणासम्म प्राप्त हुने ‘एनआईसी एशिया सर्वश्रेष्ठ १० गुणा मुद्दती योजना’को समयावधि थपिएको छ । बैंकले यस योजनालाई ०७९ श्रावण मसान्तसम्म निरन्तरता दिने निर्णय गरेको हो ।

आफ्ना निक्षेप योजनाहरूलाई सोही अनुरुप थप ग्राहकमैत्री बनाउन बैंकले योजनालाई निरन्तरता दिने निर्णय गरेको हो । यस योजनामा निक्षेपकर्ताले ५ वर्ष १० महिनादेखि १९ वर्ष १० महिनासम्म मुद्दती खातामा रकम जम्मा गरेअनुुसार दुई गुणादेखि १० गुणासम्म रकम फिर्ता पाउने छन् ।

ग्राहकले आफूले निक्षेप गरेको रकम र ब्याज गरी कूल रकमको ८० प्रतिशत बराबर कर्जासमेत लिन पाउने छन् ।

बैंकले हाल देशभरबाट ३५९ शाखा, ४७३ एटिएम, १०२ वटा विस्तारित काउन्टर र ८१ वटा शाखारहित बैंकिङ्गमार्फत् सेवा दिँदै आएको छ ।