काठमाडौँ । हिताचीले मिडिया कम्पनीका अधिकृत डिलर, हिताची र युनिभर्सल इलेक्ट्रोकम प्रा.लि.का प्रतिनिधिको उपस्थितिमा मिड एन्ड ग्रिट कार्यक्रम सम्मपन गरेको छ । रमेश कर्प संस्थाको शाखा युनिभर्सल इलेक्ट्रोकम प्रा.लि. नेपालमा हिताची होम अप्लाइन्सेसको आधिकारिक वितरक हो ।

उक्त कार्यक्रममा ए.एच.एस.जीका प्रबन्धक निर्देशक चेन टेक बेङ, व्यापार विकास विभाग (निर्यात व्यापार)का महाप्रबन्धक तरुण जैन र व्यापार विकास विभाग (निर्यात व्यवसाय)का वरिष्ठ प्रबन्धक एलविन थाम उपस्थित थिए ।

कार्यक्रममा हिताचीले चाँडै नै बजारमा उपलब्ध हुने चार वटा विभिन्न उत्पादनको घोषणा गरेको थियो । उत्पादनमा हिताची माइक्रोवेभ ओभनका ४ मोडल, हिताची फ्रन्ट लोड अटोमेटिक १२ केजी वासिङ मेसिन, हिताची फ्रेन्च बटम रेफ्रिजरेटर र हिताची कर्डलेस स्टिक भ्याक्युम क्लिनर समावेश छन् ।

कार्यक्रममा सहभागीलाई उत्पादनको लक्ष्य, प्रयोगकर्ताको अनुभव र सुविधाको दायरा बुझ्न मद्दत हुन्छ भनेर हिताचीका विभिन्न उत्पादन जस्तै रेफ्रिजरेटर, वासिङ मेसिन र भ्याक्युम क्लिनर पनि प्रदर्शनमा राखिएको थियो । हिताचीले नेपाली प्रयोगकर्तालाई विश्वव्यापी पाइने उत्कृष्ट उत्पादन उपलब्ध गराउन नेपालमा आफ्नो सञ्चालनलाई थप मजबुत बनाउने योजना रहेको बताएको छ ।

ग्राहकको सन्तुष्टि आफ्नो उच्च प्राथमिकतामा रहेको जनाउँदै हिताचीले आफ्ना ग्राहकलाई अझ राम्रो बिक्री सेवा र बिक्रीपछिको हेरचाह दिने प्रतिज्ञा गरेको छ । हरेक नेपाली घर परिवारमाझ नयाँ प्रविधि नजिक ल्याउने उद्देश्यका साथ हिताचीले विविधता र गुणस्तरयता सुनिश्चित गर्दै आगामी दिनमा लागिपर्ने बताए ।

रमेश कर्पका कार्यकारी निर्देशक सञ्जय अग्रवाल भन्छन्, ‘हामी नेपालका हाम्रा सबै ग्राहकका लागि गुणस्तरीय उत्पादन लाइन अप र बिक्रीपछिको सेवा सुनिश्चित गर्न कडाइका साथ काम गर्ने छौँ ।’

हिताचीले उसको सम्पूर्ण उत्पादनहरूमा विशिष्ट गुणस्तर कायम राख्ने गर्दछ । त्यसैले उसका सबै उपकरणको बजारमा ठूलो अपिल रहेको छ । ग्राहकको बजेट वा आवश्यकता जस्तोसुकै भए पनि, हिताचीसँग उनीका लागि कुनै न कुनै उपकरण पक्कै छ । नयाँ रिलिज र अहिलेका विद्यमान उपकरणको साथ, हिताचीले अत्याधुनिक प्रविधि, नवप्रवर्तन, र ग्राहक सेवाद्वारा नेपालको घरेलु उपकरणको बजारमा थप विस्तार गर्ने आफ्नो महत्वकांक्षालाई झन् बलियो बनाएको छ ।