काठमाडौँ । दक्षिण पूर्वी इरानमा भएको झडपमा एक अफगान नागरिकले चक्कु प्रहार गरी १० जनाको हत्या गरेको स्थानीय सञ्चार माध्यमले सोमबार जानकारी दिएका छन् ।

व्यक्तिगत विवाद हुँदा आइतबार साँझ रफसञ्जनमा चक्कु प्रहार गर्ने हमलाकारीलाई प्रहरीले पक्राउ गरेको एन्तेखाब समाचार वेबसाइटले रफसञ्जनका गभर्नर होसेन रेजाईलाई उद्धृत गर्दे उल्लेख गरेको छ । उक्त घटनाका सबै पुरुषहरू छन् । तीमध्ये छ अफगानी र चार इरानी नागरिक छन् ।

रेजाईले बताएअनुसार आक्रमणकारीको मानसिक स्वास्थ्य असामन्य थियो । उसले आफैलाई प्रहार गरी चोट लगाएको पाइएको छ । हत्यारामा लागु पदार्थको लत पनि पुष्टि भएको छ । यसबारे अनुसन्धान रहेको प्रहरीले जनाएको छ ।