काठमाडौँ । नेपाली कांग्रेसका नेताहरू राष्ट्रपति विद्यादेवी भण्डारीलाई भेट्न राष्ट्रपति कार्यालय शितल निवास गएका छन् । राष्ट्रपतिलाई भेट्न प्रधानमन्त्रीसमेत रहेका कांग्रेस सभापति शेरबहादुर देउवाको नेतृत्वमा पदाधिकारीको टोली गएको हो ।

सोमबार दिउँसो २ बजे प्रधानमन्त्री देउवासहित महामन्त्रीद्वय गगन थापा, विश्वप्रकाश शर्मालगायत नेताहरू गएका हुन् । भेटमा देउवाले प्रधानमन्त्रीभन्दा कांग्रेसको पार्टी सभापतिका रुपमा राष्ट्रपतिसँग कुरा गर्ने भएका छन् ।

पछिल्लो समय नागकिरता विधेयकका कारण राष्ट्रपति र सरकारबीच टसल पर्न थालेको छ । त्यसैले कांग्रेसका पदाधिकारीले राष्ट्रपति भेट्न लागेका हुन् । भेटघाटको एजेण्डाबारे केही खुलाइएको छैन ।