काठमाडौं । गायक कमल खत्री र गायिका मेलिना मैनालीबीच इङ्गेजमेन्ट भएको छ । आइतबार उनीहरूले इङ्गेजमेन्ट गरेका हुन् । खत्री एक दशकदेखि गायनमा छन् । मैनाली ‘द भोइस अफ नेपाल’ बाट उदाएकी गायिका हुन् ।

‘जीवनको नयाँ अध्यायको सुरुवात तिमीसँग हुनु नै मेरो जीवनकै सुखद् पक्ष हो । चाहना यत्ति छ कि साथ र माया सधैँ पाइरहुँ । जीवनको हरेक उतारचढावमा सदैव एकअर्काको साथमा रहने वाचा गर्दै हामीले रीतिरिवाज अनुसार इङ्गेजमेन्ट गरेका छौँ,’ उनीहरूले सामाजिक सञ्जालमा लेखेका छन् ।