छैटौं संस्करणको महिला साफ च्याम्पियनसिप फुटबलको दोस्रो सेमिफाइनलमा आज शुक्रवार नेपालले भारतसँग प्रतिष्पर्धा गर्दैछ । त्रिपुरेश्वरस्थित दशरथ रंगशालामा नेपालले साविक विजेता भारतको सामना गर्न लागेको हो । नेपाल र भारतबीचको खेल साँझ ५ः३० बजेबाट शुरु हुनेछ । समूह चरणमा नेपाल अपराजित रहेर अन्तिम चारमा पुगेको हो भने भारत समूह ’ए’ को उपविजेता बन्दै नेपालसँगको भेट पक्का गरेको हो ।
समूह ’बी’ को नेपालले २ खेलमा ६ अंक जोडेको थियो । समूह चरणको अन्तिम खेलमा भारतले बंगलादेशसँग ३–० को हार व्यहोरेको थियो । यस खेलको विजेताले फाइनलमा बंगलादेश र भुटानबीचको खेलको विजेतासँग खेल्नेछन् । बंगलादेश र भुटानबीचको पहिलो सेमिफाइनल दिउँसो १ बजेबाट दशरथ रंगशालामा नै शुरु हुनेछ ।