काठमाडौँ । युगाण्डाको स्वास्थ्य मन्त्रालयले सोमबार इबोलाका कारण पछिल्लो चार दिनमा थप पाँच जनाको मृत्यु भएको जनाएको छ । योसँगै मृत्यु हुनेको संख्या २४ पुगेको छ ।

मन्त्रालयले अक्टोबर १६ सम्मको अद्यावधिकमा दुई नयाँ पुष्टि भएका घटना दर्ता गरेपछि पुष्टि भएका घटनाको संख्या बढेर ६० पुगेको बताएको छ । सेप्टेम्बर २० मा मुबेन्डेको केन्द्रीय जिल्लामा इबोला संक्रमणको व्यापकता देखिएको थियो ।

संक्रमण नियन्त्रणका लागि मुबेन्दे र छिमेकी कसण्डा जिल्लामा २१ दिनदेखि लकडाउन र राति कर्फ्यू लगाइएको छ । सरकारले राजधानी कम्पाला सहरलाई सम्भावित उच्च जोखिममा राखेको छ ।