काठमाडौं । बलात्कारको आरोप लागेका क्रिकेटर सन्दीप लामिछानेलाई थप चार दिन हिरासतमा राख्न काठमाडौं जिल्ला अदालतले अनुमति दिएको छ। अघिल्लोपटक थपिएको पाँच दिनको म्याद सकिएपछि प्रहरीले बुधबार सन्दीपलाई अदालत उपस्थित गराएको थियो । प्रहरीले लामिछानेविरुद्ध अनुसन्धान गर्न तेस्रोपटक चार दिनको म्याद पाएको छ । यससँगै अदालतले उनलाई चार दिन हिरासतमा राख्न अनुमति दिएको हो ।

प्रहरीले सात दिनको म्याद मागेको थियो । तर अदालतले थप चार दिनको म्याद दिएको जिल्ला प्रहरी परिसर काठमाडौंका प्रवक्ता दिनेश मैनालीले जानकारी दिए ।