काठमाडौँ । सर्लाहीको बागमती नगरपालिकामा सहकारीका कर्मचारी गोली प्रहार भएको छ । लालबन्दी नगरपालिका २ जुटपानी बस्ने ३० वर्षीय साजन कार्कीमाथि गोली प्रहार भएको हो ।

उनको शरीरको विभिन्न भागमा गोली लागेको जिल्ला प्रहरी कार्यालय सर्लाहीले जनाएको छ । उनको हरिवनस्थित सरस्वती अस्पतालमा प्राथमिक उपचार गरी थप उपचारका लागि सिमरा विमानस्थलबाट काठमाडौँ पठाइएको छ ।

कार्की सगुन बचत तथा ऋण सहकारी संस्थाको बागमती सेवा केन्द्रका कर्मचारी हुन् । कार्यालयमा काम गरिरहेको अवस्थामा उनमाथि गोली प्रहार भएको हो । घटनाबारे अनुसन्धान सुरु गरेको प्रहरीले जनाएको छ ।