काठमाडौँ । पछिल्लो एक दिनमा डेंगु संक्रमणबाट थप दुई जनाको मृत्यु भएको छ । स्वास्थ्यत तथा जनसंख्या मन्त्रालयका अनुसार योसँगै हालसम्म डेंगुबाट मृत्यु हुनेको संख्या ५१ पुगेको छ ।

यस्तै, थप ७६१ जनामा डेंगु संक्रमण पुष्टि भएको छ । योसँगै देशभर डेंगु संक्रमितको संख्या ४२ हजार ५०४ पुगेको मन्त्रालयले जनाएको छ ।

गत साउन महिनादेखि सुरु भएको डेंगु रोगको प्रकोप देशका सबै जिल्लामा फैलिसकेको छ ।