काठमाडौँ । जिल्ला प्रहरी कार्यालय लमजुङले नगदसहित ३८ जना जुवाडेलाई पक्राउ गरेको छ ।

जिल्ला प्रहरी कार्यालय लमजुङ र इलाका प्रहरी कार्यालय भोटेओडारबाट खटिएको संयुक्त प्रहरी टोलीले शुक्रबार राति जिल्लाका दुई ठाउँबाट दुई लाख ८१ हजार १२५ रुपैयाँ र ३२ थान कौडासहित ३८ जना जुवाडलाई पक्राउ गरेको हो ।

प्रहरीले बेँसीसहर नगरपालिका ११ चिती तिनपिप्लेका गणेशप्रसाद श्रेष्ठको घरमा बाजी राखी जुवा (कौडा) खेल्दै गरेका सम्बन्धित घर धनीसहित २५ जनाको साथबाट नगद एक लाख २१ हजार २५ रुपैयाँ र १६ थान कौडा पक्राउ गरेको प्रहरी प्रमुख डिएसपी प्रकाश श्रीमलले बताए । पक्राउ पर्ने सबै बेँसीसहर नगरपालिका ११ का छन् ।