काठमाडौँ । स्पेनको राष्ट्रिय फुटबल टिमका मुख्य प्रशिक्षक लुइस एनरिक बर्खास्तीमा परेका छन् ।

विश्वकप फुटबलमा स्पेन मोरक्कोसँग टाइब्रेकरमा पराजित भएसँगै स्पेनिस फुटबल संघले एनरिकलाई बर्खास्त गर्ने निर्णय गरेको हो ।

संघले निकालेको विज्ञप्तिका अनुसार लुइस एनरिक र उनको प्रशिक्षण टिमलाई धन्यवाद दिएको छ ।

सन् २०१८ देखि स्पेनिस टोलीको नेतृत्व गर्दै आएका ५२ वर्षीय उनले २०२० को युरो कपमा टोलीलाई सेमिफाइनलसम्म पुर्‍याएका थिए ।