काठमाडौँ । महान् फुटबलर पेलेले विश्व च्याम्पियन अर्जेन्टिनालाई बधाई दिएका छन् । उनले कप्तान लियोनल मेस्सीलाई समेत बधाई दिँदै दिवङ्गत डिएगो म्याराडोनाको सम्झना गरेका छन् ।

म्याराडोनाकै भूमिकामा अर्जेन्टिनाले अन्तिमपटक सन् १९८६ मा विजेता बनेको थियो । म्याराडोनाको केही वर्षअघि मृत्यु भएको थियो ।

‘आज फुटबलले सधैँ झैँ, कथा भन्ने क्रमलाई निरन्तरता दिएको छ’, पेलेले इन्स्टाग्राममा लेखेका छन्, ‘मेस्सीले पहिलो विश्वकप जितेका छन्, जसका लागि उनी योग्य थिए, बधाई छ अर्जेन्टिना, डिएगो (म्याराडोना) हाँसिरहेका छन्’