काठमाडौं । चालु आर्थिक वर्षको ६ महिनामा सानिमा बैंकको नाफा १९.३४ प्रतिशत बढेकाे छ । यस अवधिका सानिमा बैंकले १ अर्ब २८ करोड ५३ लाख ७९ हजार रुपैयाँ नाफा आर्जन गरेको छ । गत आर्थिक वर्षको सोही अवधिमा बैंकले १ अर्ब ७ करोड ७० लाख रुपैयाँ खुद नाफा आर्जन गरेको थियो ।

यो अवधिमा बैंकको वितरणयोग्य नाफा ९६ करोड ३७ लाख ९ हजार रुपैयाँ रहेको छ। बैंकको खुद ब्याज आम्दानी ४७.१८ प्रतिशत बढेर ३ अर्ब २१ करोड ५ लाख ७९ हजार रुपैयाँ पुगेको छ भने सञ्चालन नाफा २१.४२ प्रतिशतले बढेर १ अर्ब ८२ करोड २० लाख १८ हजार रुपैैयाँ पुगेको छ ।

बैंकको प्रतिशेयर आम्दानी २० रुपैयाँ ६३ पैसा रहेको छ भने प्रतिशेयर नेटवर्थ १४४ रुपैयाँ ८२ पैसा रहेको छ।