काठमाडौं । कालिका लघुवित्त वित्तीय संस्थाले लाभांश घोषणा गरेको छ । कम्पनीको सञ्चालक समितिको बैठकले गत आर्थिक वर्षको नाफाबाट आफ्ना लगानीकर्तालाई १९ प्रतिशत बोनस सेयर दिने घोषणा गरेको हो ।

त्यस्तै कर प्रयोजनको लागि समेत १ प्रतिशत नगद लाभांश दिने भएकाे छ । जस अनुसार जम्मा २० प्रतिशत लाभांश वितरण गर्ने प्रस्ताव भएको हो। हाल कम्पनीको चुक्ता पुँजी ३१ करोड २८ लाख रहेको छ ।

उक्त लाभांश नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तामा बितरण हुने छ ।