काठमाडौं । मिडिया स्पेस सोलुसन्स प्रा.लि. र फ्युचरेक्स ट्रेड फेयर एण्ड ईभेन्टस् प्रा. लि ले संयुक्त रुपमा आयोजना गर्दै आइरहेको नेपाल उड इन्टरनेशनल एक्स्पो काठमाडौंमा आयोजना हुने भएको छ ।

प्रर्दशनी माघ १३ देखि १५ गतेसम्म काठमाडौंको भृकुटीमण्डपमा आयोजना गर्न लागेको आयोजक सस्थाले जानकारी गराएको छ । यो आठौं वर्षको प्रर्दशनी हो ।

प्रदर्शनीमा संसारका विभिन्न देशका १ सय भन्दा बढि ख्याती प्राप्त ब्राण्ड हरुका स्टल रहने छन् । फनिर्चर, प्लाइउड तथा काठ औजारका कम्पनी, डिलर, सब डिलर र बिक्रेताहरुले काठ ब्यबसाय संग सम्बन्धित उत्पादनहरुको बारेमा जानकारी गराउने र यस क्षेत्रमा आउने नयाँ नयाँ प्रविधिको बारेमा जानकारी गराउनको लागि यो प्रदर्शनी ७ वर्ष देखी कोसेढुंगा सावित हुदै आएको आयोजकको भनाई छ ।

अन्तराष्ट्रिय प्रदर्शनीमा उडवर्किङङएण्ड फर्निचर म्यानुफ्याक्चरिङ मेसिनरी पावर टुल, प्याइउड ढोका र झयाल लगायतका सामाग्रीहरु रहनेछन् ।
उड प्रदर्शनीमा आयोजकहरुले संसार भरका ख्याती प्राप्त कम्पनी तथा ब्रान्डलाई नेपाली बजारमा आएर भविष्य लक्षित वस्तु तथा टेक्नोलोजीलाई नेपाली उद्योगहरुमा प्रयोग गराउन एउटा पहलका रुपमा आयोजकले लिएका छन् । यस प्रदर्शनीले साना देखि ठूला उद्योगसम्मलाई आफ्नो प्रयोग भइरहेका मेशिनहरुलाई उन्नयन गर्दै अझ बढि प्रभावकारी बनाउन मद्दत मिल्ने विश्वास आयोजकको छ ।
यस प्रदर्शनीले नेपालमा हाल भइरहेको काठ र फनिर्चर क्षेत्रको विकास तथा आधुनिकीकरणमा टेवा पु¥याउने विश्वास आयोजकको छ ।