काठमाडौँ । आज सुनको मूल्यले नयाँ रेकर्ड बनाएको छ । नेपाल सुनचाँदी व्यवसायी महासंघले सार्वजनिक गरेको विवरणअनुसार आज छापावाल सुनको मूल्य प्रतितोला ६ सय रुपैयाँले बढेको छ ।

आज बढेको सुनको मूल्यसँगै एक लाख ६ हजार नौ सय रुपैयाँमा कारोबार भएको छ । मंगलबार मात्रै सुनको मुल्यले नयाँ रेकर्ड बनाएको थियो ।

त्यस्तै, तेजाबी सुनको मूल्य प्रतितोला एक लाख ६ हजार चार सय रुपैयाँ कायम रहेको छ ।

आज चाँदीको मूल्य प्रतितोला २० रुपैयाँले बढेर एक हजार ३८० रुपैयाँ कायम भएको छ ।