काठमाडौं । मर्जर पछि नेपाल इन्भेष्टमेन्ट मेगा बैंकले चालु आर्थिक वर्ष २०७९/८० को दोस्रो त्रैमाशिक अवधिमा २ अर्ब १८ करोड रुपैयाँ मुनाफा आर्जन गरेको छ । गत वर्षको यहि अवधिमा नेपाल इन्भेष्टमेन्ट बैंकले ९७ करोड २८ लाख रुपैयाँ मुनाफा आर्जन गरेको थियो ।

चालु आर्थिक वर्षको पुस मसान्तसम्म बैंकको खुद ब्याज आम्दानी ७३.९२ प्रतिशत बढेर ४ अर्ब १८ करोड ६३ लाख ६४ हजार रुपैयाँ, सञ्चालन नाफा २३.८८ प्रतिशत बढेर २ अर्ब ९८ करोड २४ लाख ४८ हजार रुपैयाँ र वितरणयोग्य मुनाफा ९४ करोड ८४ लाख ८२ हजार रुपैयाँ रहेको छ ।

बैंकको चुक्ता पूँजी ३४ अर्ब १२ करोड ८५ लाख ९५ हजार रुपैयाँ, जगेडा कोष २३ अर्ब ५५ करोड १ लाख २६ हजार रुपैयाँँ, निक्षेप संकलन ३ खर्ब ५५ अर्ब २३ करोड ६२ लाख ७ हजार रुपैयाँ र कर्जा प्रवाह ३ खर्ब १७ अर्ब ८९ करोड ३० लाख ५५ हजार रुपैयाँ पुगेको छ ।

गत वर्षको समीक्षा अवधिमा बैंकको प्रतिसेयर आम्दानी १७.७४ रुपैयाँ रहेको थियो भने अहिले साेही अवधिमा १५.६१ रुपैयाँ प्रतिसेयर आम्दानी रहेको छ । बैंकको मूल्य आम्दानी अनुपात १६.०८ गुणा रहेको छ भने प्रतिसेयर नेटवर्थ १६४.९१ रुपैयाँ रहेको छ । बैंकको खराब कर्जा बढेर ३.७१ प्रतिशत पुगेको छ ।