बलिउड अभिनेत्री अनन्या पाण्डे र आदित्य रोय कपुर आजभोली आफ्नो प्रेम जीवनका कारण चर्चामा छन् । हालै दुवै जना एकअर्कालाई डेट गरिरहेको खबर आएको थियो । यसैबीच यी दुवै सोमबार (३० जनवरी) मा एकसाथ स्पोट भएका थिए।

वास्तवमा फिल्म निर्माता करण जोहरले आफ्नो बान्द्राको घरमा पार्टी आयोजना गरेका थिए । यसमा अनन्या पाण्डे र आदित्य रोय सहभागी हुन गएका थिए । पार्टीमा अनन्या कालो बडीकन ड्रेसमा देखिएकी थिइन् । जहाँ आदित्य क्याजुअल लुकमा देखिएका छन् । उनले कालो टोपीसहित कालो टि–सर्ट लगाएका थिए ।

सामाजिक सञ्जालमा उनीहरुको भिडियो पनि सार्वजनिक भएको छ, जसमा दुवै अलग–अलग कारमा करणकहाँ गइरहेका छन् । भिडियो हेरेपछि केही फ्यानले जानीजानी दुवै एउटै कारबाट नआएको बताएका छन् । कतिपयले उनीहरुको जोडीको तारिफ गर्दै भने, ‘दुबै सँगै निकै क्यूट देखिन्छन् ।

केहि महिना अघि मिडियामा खबर आएको थियो कि अनन्या र आदित्य बिच केहि चलिरहेको छ, तर यस विषयमा आधिकारीक जानकारी भने आएको छैन । रिपोर्टमा यो पनि दावी गरिएको छ कि यी दुईले भर्खरै एकअर्कालाई डेट गर्न थालेका छन्, जसको कारणले गर्दा दुबै मिडियामा सँगै कैद भएनन्।