काठमाडौं । कामना सेवा विकास बैंकका कर्मचारी सहित चार जना पक्राउ परेका छन् । बैंकको दमकस्थित शाखामा कम धितो राखी बढी ऋण प्रवाह गरेको आरोपमा इलाका प्रहरी कार्यालय दमकले चार जनालाई पक्राउ गरेको हो ।

बैंकका प्रमुख कार्यकारी अधिकृत (सिइओ) प्रवीण बस्नेतसहित ऋणी हरेन्द्र दाहाल, चन्द्रबहादुर थापा र वीरेन्द्र सिंह भण्डारीलाई प्रहरीले पक्राउ गरेको हो । प्रहरीले उनीहरूलाई विभिन्न मितिमा पक्राउ गरेको हो।

जिल्ला अदालत झापाबाट म्याद थप गरी बैंकिङ कसुर मुद्दामा अनुसन्धान गरिरहेको प्रहरीले जनाएको छ।