शाहरुख खानको फिल्म ‘पठान’ रिलिज भएको नाै दिन बितिसकेको छ र यसले बक्स अफिसमा राम्रो कमाई गरिरहेको छ । फिल्मको नवौं दिनको कलेक्शन सार्वजनिक भएको छ ।

रिपोर्टका अनुसार, ९ औं दिन ‘पठान’ को भारतीय नेट कलेक्शन लगभग १५.५० करोड थियो। ९ दिनको कलेक्शन सहित ‘पठान’ ले अहिलेसम्म भारतमा ३६४ करोड कमाइसकेको छ । ‘पठान’ले पहिलो दिन हिन्दी संस्करणमा मात्र ५५ करोड कमाएको थियो । त्यस्तै फिल्मले दोस्रो दिन ६८ करोड र तेस्रो दिन ३८ करोडको व्यापार गरेको थियाे । त्यसपछि फिल्मले सप्ताहन्तमा ११० करोड भारु कमाएको थियो । 

फिल्मले सोमबार २५.५० करोड र मंगलबार २२ करोड कमाएको थियाे । तर, सातौं दिनमा फिल्मको कमाई केही सुस्त रह्यो । तर फिल्मको ९ औं दिनको दोहोरो अंकको कमाईले ‘पठान’ आगामी दिनमा धेरै ठूला रेकर्ड तोड्ने देखाएको छ । 

रिपाेर्टका अनुसार पठानले ९ दिनमा विश्वभर ७ सय करोड रुपैयाँ कमाइसकेका छ । यस अनुसार शाहरुख खान, दीपिका पादुकोण र जोन अब्राहम स्टारर फिल्म चाँडै १००० करोडको क्लबमा सामेल हुने देखिएको छ ।