काठमाडौं । कुमारी बैंक र ल्यान्डमार्क होटल एन्ड रिसोर्टबीच कुमारी बैंकका ग्राहकलाई ल्यान्डमार्क होटल एन्ड रिसोर्टको सेवामा विशेष छुट प्रदान गर्ने सम्झौता भएको छ ।

डिजिटल कारोबारमा ग्राहक आकर्षित भइरहेको कुरालाई मध्यनजर गर्दै कुमारी बैंकले ल्यान्डमार्क होटल एन्ड रिसोर्टका काठमाडौं, चितवन र पोखरा शाखामा आकर्षक छुटको प्रावधान गरेको हो ।

सम्झौताअनुसार कुमारी बैंकका डेबिट-क्रेडिट कार्ड ग्राहकलगायत मोबाइल बैंकिङ प्रयोगकर्ताले ल्यान्डमार्क होटलको सेवामा १० प्रतिशतसम्मको छुट प्राप्त गर्न सक्नेछन् ।

बैंकका देशभर ३०४ शाखा, २९४ एटीएम, ६२ शाखारहित बैंकिङ इकाई र ४९ एक्सटेन्सन काउन्टर छन् ।