काठमाडौँ । मुस्ताङको एक स्कुलले भारतीय दूतावाससँग आर्थिक सहयोग माग गरेको खुलेको छ । वारागुङ मुक्तिक्षेत्र गाउँपालिकाले स्कुल चलाउन सहयोग माग्दै भारतीय दूतावाससँग आर्थिक सहयोग मागेको हो ।

आर्थिक सहयोगका लागि गाउँपालिकाका अध्यक्ष रिङजीन नामगेल गुरुङले दूतावासलाई पत्र लेखेका हुन् । उनी एमालेबाट गाउँपालिकाको अध्यक्षमा विजयी भएका हुन् ।

पालिका अध्यक्षले नै हस्ताक्षर गरिएको पत्रमा जनाइएअनुसार मुस्ताङ सक्य बुद्ध एसोशियशन स्कुलका लागि आर्थिक सहयोग माग गरिएको हो । गाउँपालिकाका वडाध्यक्षले सम्बन्धित स्कूल चलाउने भन्दै गत स्थानीय निर्वाचनमा मत मागेका थिए ।

तर, यसविपरीत एमाले अध्यक्ष केपी शर्मा ओलीले नेपाल सरकार र प्रधानमन्त्रीलाई लक्षित गरी आपेक्ष लगाएको पाइएको छ ।