काठमाडाैं । अजय देवगनको एक्शन थ्रिलर फिल्म ‘भोला’ले बक्स अफिसमा राम्रो ओपनिङ गरेको छ । फिल्मले पहिलो दिन ११ करोड २० करोड भारु कमाएको हो । यो सँगै भोला २०२३ को तेस्रो उत्कृष्ट ओपनिङ फिल्म बनेको छ । यसअघि ‘पठान’ र ‘तू झुठी मै मक्कर’ ले राम्रो ओपनिङ गरेका थिए ।

सप्ताहन्तमा फिल्मको कमाई बढ्ने अनुमान गरिएको छ । ‘भोला’ २०१९ को सुपरहिट तमिल फिल्म कैथीको आधिकारिक हिन्दी रिमेक हो। फिल्मको बजेट करिब १०० करोड रहेको बताइएको छ ।

नयाँ वर्ष (२०२३) सुरु भएको तीन महिना बितिसकेको छ । मार्च सकिनलाग्दासम्म तीनवटा हिन्दी फिल्मले मात्र पहिलो दिन १० करोडभन्दा बढी कलेक्सन गरेका छन् । शाहरुख खानको फिल्म ‘पठान’ले भारत इतिहासकै सबैभन्दा ठूलो ्५५ करोड भारुको ओपनिङ गरेको थियो ।

यस्तै, रणबीर कपूर स्टारर फिल्म ‘तू झुठी मैं मक्कर’ १५.७३ करोड कमाएर वर्षको दोस्रो सर्वाधिक ओपनर बनेको छ । भोला पनि यो सूचीमा तेस्रो नम्बरमा परेको छ।