काठमाडौं । अभिनेत्री आँचल शर्माले आफ्नै श्रीमानकी पूर्व प्रेमिकाबारे टिप्पणी गरेकी छन् । एक टेलिभिजन कार्यक्रममा अन्तरवार्ता दिँदै अभिनेत्री शर्माले पति उदीप श्रेष्ठकी पूर्व प्रेमिका भलिबल खेलाडी सिपोरा गुरुङमाथि टिप्पणी गरेकी हुन् ।

कार्यक्रम प्रस्तोताले एक तस्बिर देखाउँदै कुन रुपमा चिन्नुहुन्छ भन्ने प्रश्नमा आचलले पहिले त दुविधामा पर्दै सिपोरालाई एक राम्री खेलाडीका रुपमा चिनेको बताइन् । तर प्रस्तोताले खेलाडीबाहेक अरु ? भनी पुनः सोधेपछि उनले उदीप जीकी ‘एक्स गर्लफ्रेड’ भन्दै जवाफ फर्काएकी थिइन् ।

यसबारे कहिले थाहा भएको भनी सोधिएको प्रश्नमा आँचलले विवाह अघि आफ्ना प्रेमीकी पूर्व प्रेमीकाकाबारेमा सोधखोज गर्ने क्रममा थाहा पाएको बताइन् ।

सिपोरासँग सम्बन्ध कस्तो छ पनि प्रस्तोताले सोध्दा आफ्ना श्रीमानकी पूर्वप्रेमीकासँग कसले सम्बन्ध राम्रो बनाउँछ ? भन्दै उनले प्रतिप्रश्न गरिन् । ‘म श्रीमती हाे नि त अहिले उहाँकी’ आँचलले भनिन्, आफ्नै श्रीमानकी ‘एक्स गर्लफ्रेड’सँग राम्राे सम्बन्ध बनाएर हिँड्न सक्ने ठूलाे मुटु मसँग छैन ।’

उनले सिपोराको तस्बिर देखाएकोमा आफूलाई चित्त नबुझेको पनि बताइन् ।