काठमाडौं । महालक्ष्मी विकास बैंक लिमिटेडले यस वर्षको बोनश शेयर वितरण गरेको छ । कम्पनीको पुस २९ गते सम्पन्न २१ औं वार्षिक साधारण सभाबाट पारित ४ प्रतिशत बोनश शेयर धितोपत्र दोस्रो बजारमा सूचिकृत पछि वितरण गरिएको जनाएको छ ।

चैत ३० गते उक्त बोनश शेयर वापतमा १६ लाख ४ हजार ३५३ दशमलव ३१ कित्ता शेयर सूचिकृत गराएको कम्पनीले सोही दिनदेखि सम्बन्धित शेयरधनीहरूको हितग्राही खातामा बोनस शेयर जम्मा गरिदिएको बताएको छ ।

यसअघि कम्पनीले सोही सभाबाट पारित ६ दशमलव ४६ प्रतिशत नगद लाभांशसमेत वितरण गरिसकेको छ । २१औं वार्षिक साधारण सभा प्रयोजनका लागि कम्पनीले पुस १८ गते एक दिन बुक क्लोज गरेको थियो । बुक क्लोजको आधारमा पुस १७ गतेसम्म कायम शेयरधनीहरूले मात्र कम्पनीको लाभांश पाएका छन् ।