काठमाडौं । साताको दोस्रो दिन सेयर बजारमा दोहोरो अंकले गिरावट आएको छ । आज नेप्से परिसूचक १६ दशमलव ९३ अंकले घटेर १,८३३ दशमलव ६९ को विन्दुमा झरेको छ ।

सोमबार ३४ कम्पनीको शेयर मुल्य बढेको छ भने १८१ कम्पनीको शेयर मुल्य घटेको छ । आज दिनभरिमा २७० कम्पनीको २८ लाख १० हजार ६२७ कित्ता शेयर किनबेच हुँदा ८२ करोड ४२ लाख १७ हजार रुपैयाँको शेयर कारोबार भएको छ ।

सोमबार सबैभन्दा धेरै शिवम् सिमेन्टको शेयर कारोबार भएको छ । कम्पनीको ३ करोड ७८ लाख रुपैयाँको शेयर कारोबार भएको छ । हिमाल दोलखा हाइड्रोपावर कम्पनीको २ करोड २५ लाख रुपैयाँको शेयर कारोबार भएको छ । हिमालयन डिष्टिलरीको २ करोड २० लाख रुपैयाँको शेयर कारोबार भएको छ ।