काठमाडौं । साताको दोस्रोदिन पनि सेयर बजारमा सामान्य वृद्धि आएको छ । आज नेप्से परिसूचक ८ दशमलव १० अंकले बढेर १,८९१ को विन्दुमा कायम भएको हो।

सोमबार १३३ कम्पनीको शेयर मुल्य बढेको छ भने ७८ कम्पनीको शेयर मुल्य घटेको छ । आज दिनभरिमा २७२ कम्पनीको ३४ लाख ९५ हजार ७५२ कित्ता शेयर किनबेच हुँदा १ अर्ब २७ करोडमाथिको शेयर कारोबार भएको छ ।

आज सबैभन्दा धेरै शिवम् सिमेन्टको ७ करोड ३४ लाख रुपैयाँको शेयर कारोबार भएको छ । त्यस्तै सोल्टी होटलको ६ करोड १७ लाख, ओरिएण्टल होटल्सको ५ करोड ३९ लाख रुपैयाँको शेयर कारोबार भएको छ ।