काठमाडौं । बलिउड अभिनेता अर्जुन रामपाल ५० वर्षको उमेरमा चौथो पटक बुवा बनेका छन् । अभिनेताले सामाजिक सञ्जालमार्फत आफु पिता बनेको खबर साझा गरेका हुन् ।

अर्जुनकी प्रेमिका गेब्रिएला डेमेट्रिएड्स विगत केही दिनदेखि आफ्नो गर्भावस्थालाई लिएर चर्चामा थिइन् । यसैबीच अहिले उनले छोरालाई जन्म दिएकी हुन् ।

अर्जुन रामपालले बिहीबार सामाजिक सञ्जाल पोस्टमार्फत फ्यानहरूसँग आफ्नो खुसी साझा गरेका छन् । उनले ‘हेलो वर्ल्ड’ लेखिएकाे एक तस्बिर साझा गर्दै भनेका छन्, ‘मेरो परिवारमा आज एक सुन्दर बेबी बोयको जन्म भएको छ । आमा र छोरा दुवैको स्वास्थ्य ठिक छ । डाक्टर र नर्सको टिमलाई धन्यवाद । हामी असाध्यै खुसी भएका छौँ । तपाईंहरु सबैलाई प्रेम र समर्थनका लागि धन्यवाद ।’