काठमाडौं । रणवीर सिंह र आलिया भट्ट स्टारर ‘रकी और रानीकी प्रेम कहानी’ले रिलिजको पहिलो दिन राम्रो कमाइ गरेको छ । फिल्मले पहिलो दिन ११.५ करोड भारु कमाएको हो।

रणवीरका पछिल्ला दुई फिल्मको ‘ओपनिङ डे’ को रेकर्ड हेर्दा ‘रकी और रानीकी प्रेम कहानी’ले राम्रो व्यापार गरेको छ । उनको यसअघिकाे फिल्म ‘सर्कस’ले पहिलो दिन ६.२५ करोड कमाएको थियो भने ‘जयेशभाई जोरदार’ले ३.२५ करोड मात्रै कमाउन सकेको थियो ।

अर्कोतर्फ आलिया भट्टको पछिल्लो फिल्म ‘ब्रह्मास्त्र’ले ३६ करोडको ओपनिङ गरेको थियो ।