विराटनगर । कोशी प्रदेशमा सर्वाेच्च अदालतबाट पदमुक्त भएपनि फेरि पाचौं दिनमा मुख्यमन्त्री बनेका कांग्रेसका नवनियुक्त मुख्यमन्त्री उद्धव थापाले अहिले बिहान प्रदेश प्रमुख पर्शुराम खापुङ्समक्ष पद तथा गोपनियताको शपथ लिने भएका छन् ।

बिहान १० बजे उनले आफनो क्याबिनेटमा कांग्रेस, माओवादी केन्द्र र एकीकृत समाजवादीका एक एक जनालाई मन्त्री बनाएर चार सदस्यीय मन्त्रिमण्डल समेत बनाउने तयारी गरेका छन् । उनले आजै सपथ लिएसागै तीन मनित्रलाई पनि सपथ गराउने तयारी अन्तिम चरणमा छ ।

जनता समाजवादी पार्टीका नेता भने अहिले सरकारमा सहभागी हुने छैनन ।

उनको आजै विस्तार हुने क्याविनेटमा उनलाई मुख्यमन्त्रीको कुर्शीमा लैजान सभामुखको समेत पद त्यागेका माओवादी केन्द्रका बाबुराम गौतम आर्थिक मामिला तथा योजनामन्त्रीमा नियुक्त हुनेछन् । उनको भने पद टुंग्गिसकेको छ । सभामुखबाट राजीनामा दिनेबेलामै उनको पद मिलाईएको थियो ।

त्यस्तै कांग्रेसबाट अघिल्लो सरकारका बिना विभागीयमन्त्री बनेका प्रदिपकुमार सुनुवार र नेकपा (एकीकृत समाजवादी) कमलप्रसाद जबेगु मन्त्रीमा जाने छन् । तर उनीहरुको मन्त्रालय भने अहिले टुग्गेको छैन ।

प्रदेश मन्त्री बन्न लागेका बाबुराम गौतम रप्रदीपकुमार सुनुवार भने एकै जिल्ला ओखलढुङ्गाका हुन् । सुनुवार ओखलढुङ्गा-१ प्रदेश(१) र गौतम ओखलढुङ्गा-१ प्रदेश(२) बाट निर्वाचित भएका थिए ।

संविधानको धारा १६८ को उपधारा (२) अनुसार दुई वा दुईभन्दा बढी दलको समर्थनमा मुख्यमन्त्रीमा थापालाई प्रदेश प्रमुख खापुङ्ले मंगलबार नियुक्त गरेका थिए ।