काठमाडौँ । क्विन्टल सुन तस्करी प्रकरणमा संलग्न दुई चिनियाँ नागरिक त्रिभुवन अन्तर्राष्ट्रिय विमानस्थलबाट पक्राउ परेका छन् ।

राजस्व अनुसन्धान विभाग तथा भन्सार विभागको निगरानीमा रहेका ती दुईजनालाई शुक्रबार बिहान पौने ८ बजे त्रिभुवन विमानस्थल सुरक्षार्थ खटिएको प्रहरी टोलीले पक्राउ गरेको हो । पक्राउ पर्नेमा लिजिया लिन र लिउफुयान रहेको बताइएको छ ।

सुन तस्करी प्रकरणमा चिनियाँ कनेक्सनको अनुसन्धान गरिरहेको प्रहरीले सोही क्रममा यी दुईजनालाई पक्राउ गरेको गृहमन्त्रीका प्रेस सल्लाहकार कमल गिरीले बताए ।

चीन फर्कन लागेकाे अवस्थामा उनीहरूलाई पक्राउ गरिएको हो ।

पछिल्लो समय यो प्रकरणको अनुसन्धान सीआईबीले गरिरहेकाे छ ।