काठमाडौं । नेपालस्थित ओस्कार कमिटीले ९६औं ओस्कार अवार्डको अन्तर्राष्ट्रिय फिचर विधाका लागि फिल्म आह्वान गरेको छ।

कमिटीले सोमबार वक्तव्य जारी गर्दै सन् २०२२ डिसेम्बर देखि २०२३ अक्टोबरसम्म प्रदर्शन भएका फिल्मलाई प्रतिस्पर्धाका लागि आह्वान गरेको हो।

इच्छुक फिल्मले सेप्टेम्बर १५ सम्म फिल्म दर्ता गरिसक्नुपर्ने जनाइएको छ। ओस्करका लागि छनोट भएको फिल्म अक्टोबर १ सम्ममा अमेरिका पठाइसक्नुपर्ने उल्लेख गरिएको छ।

प्रतिस्पर्धामा भाग लिन चाहेको चलचित्र ०७९ असोज १५ गतेभन्दा पछि तथा ०८० असोज १४ गतेभन्दा अगाडि नै सार्वजनिक प्रदर्शन गरिएको हुनु पर्नेछ । चलचित्र प्रदर्शन गराउँदा उक्त चलचित्र सात दिनभन्दा बढी चलचित्र घरमा सार्वजनिक प्रदर्शन भएको हुनुपर्ने जनाइएको छ ।