काठमाडौं । काठमाडौँको मैतिदेवीबाट प्रहरीले जुवा खेलेको आरोपमा गायक र कलाकारसहित ९ जनालाई पक्राउ गरेको छ।

जिल्ला प्रहरी परिसर काठमाडौँका अनुसार पक्राउ पर्नेमा मैतिदेवीमा रहेको नृत्य ‘डान्स फिभर’का सञ्चालक भोजपुर घर भएका गणेश विष्ट, अभिनेता गजित विष्ट, कोरियोग्राफर गम्भीर विष्ट, गायक चक्र बम, कलाकार सुलेमान शंकर ‘इकु’ र कोरियो ग्राफर नरेन्द्र विष्ट छन्।

यस्तै रोशन सिंह, शंकरप्रसाद आचार्य, टाइम मगर, सुरेन्द्र साउद र घनश्याम अधिकारीलाई पनि पक्राउ गरिएको प्रहरीले जनाएको छ। उनीहरूलाई शनिबार नै पक्राउ गरेको भए पनि सार्वजनिक गरिएको थिएन।

उनीहरुको साथबाट एक लाख ९० हजार ९२० रुपैयाँ र एक बुक ताससमेत बरामद गरिएको प्रहरीले जनाएकाे छ।

पक्राउ परेका उनीहरुविरुद्ध अनुसन्धान भइरहेको प्रहरी वृत्त सिंहदरबारले जानकारी दिएको छ।